hound 

In die kerslig van die 13de November 2021 het jou glimlag nog nooit so mooi gelyk nie. Wanneer ek my oë toe maak ruik ek nog die stof in jou hare. Voel ek nog jou stabiele hartklop toe jy sê jys lief vir my op die dak van jou volla. Ons was iewers tussen lief en verlore maar meer lief. Daar waar die sonsondergang jou naam langs myne in die hemelruim ingegraveer het, het ek geweet ek mag dalk net flippen lief wees vir jou. Ek het ñ huis gekoop op die grond van my siel. Groot grasperk, groot sitkamer om te dans. Een waar ons saam ons toekoms kan bou op die fondasie van liefde. Waar ons vir ure kan swem in die poele van dankbaarheid, saam baljaar op die oewer van ons toekoms. Visse vang en hulle voer met ons toekoms drome. Ons storie fluister in die wind.